منتدى يهتم بكل مايخص الكلاب من تدريبها وغذائها وغير ذلك

ناسف لجميع اعضاء المنتدى لعدم وجودنا في المنتدى لوقت طويل بسبب مشاكل في المنتدى

    عمل دراى فوود (اكل مجفف) للكلاب فى المنزل

    شاطر

    كابتن خالد محمد
    مربي كلاب جديد
    مربي كلاب جديد

    عدد المساهمات : 3
    تاريخ التسجيل : 24/10/2013

    default عمل دراى فوود (اكل مجفف) للكلاب فى المنزل

    مُساهمة من طرف كابتن خالد محمد في الخميس أكتوبر 24, 2013 1:26 pm

    مفكرتش قبل كده انك تعمل دراى فووود لكلبك
    تعالى بقاااا وانا هقولك ازاااااى <<<<***

    كتير مننا بيكون نفسه يدى كلبة دراى فوود كويس ونضيف بس بسبب سعره الغالى مبيجبوش .. دلوقتى انت هتعمل الدراى فود بنفسك لكلبك..

    المقادير

    1-نص كيلو دقيق

    2-معلقة خميرة (معلقة كبيرة ولا صغيرة ياعم متفهمنا كويس الله )معلقة اللي بتحط بيها السكر يا معلم يعني معلقة شاي يعني معلقة صغيرة فهمت ولا نقول كمان

    3-فصين توم ومن غير ماتسال يعني فص توم فص توم يبقو فصين

    4-ربع كوباية ماء ورد

    5-ربع بصلاية عشان الطعم بس اوعي تكتر بصل

    6-نص كيلو لبن (لبن جاموسي ولا بقري )لا بقري يا خويا عشان البقري فيه دهون اكتر

    7-زبداية (لبنيتا ولا دانون ) لا زبادي بلدي ام نص جني دي

    8-البروتين اللي هيه اللحمة ممكن نص كيلو لحمة مجمده او لو بتستعمل هياكل ورجول فراخ وحجات من دي يبقي تشيل العظم بعد السلق وتاخد اللحم اللي فيها بس وتفرمه

    طريقة التحضير (ياااااااااه لسه في طريقة تحضير ) ياعم اصبر

    هانجيب حله بالصلاة علي النبي بس تكون كبيرة

    ونحط فيها الدقيق وبعدين نجيب الماء ورد ونحط فيه الخميرة وندوبهم وبعدين نحط الماء ورد اللي دابت فيه الخميرة علي الدقيق ونقلب وبعدين يا سيدي نجيب فصين التوم وربع البصلايه نفرمهم ونحطهم علي الدقيق ونقلب وبعدين نحط الزبداية ونقلب

    وبعدين نغلي اللبن ونحطه علي الدقيق ونقلب حتي يصبح عجين (حتي ) اة حتي

    جينا بقي للنقطه المهمه

    معانا دلوقتي العجين

    نجيب اللحمة المفرومة او اللحمة اللي طلعناها من الرجول والرقابي والهياكل بعد ماسلقناها

    ونخلطها بالعجين

    ونفضل نقلب لحد (بلاش حتي عشان بتزعلك )ما العجين يتماسك ويبقي صلب اشبة بعجينه الكفتة

    (وبعدين يا معلم انا معاك عملت العجين وخلطت عليه اللحمة وبقت تمام الله ينور عليك )ماشي هاقولك تعمل ايه

    نجيب صينيه وتدهنها زيت

    وتشكل العجينه بقي زي منتا عايز

    عايز تعملها كور صغيرة ماشي عايز تعملها صوابع صغيرة ماشي تعملها علي شكل عظمه ماشي ولو عندك فورمة بتاعت الكحك والبي تي فور بتاع العيد ماشي اعمل بيها وهايطلع شكل العجين حلو ماشي زي ماتحب اعمل

    وتحط العجينه اللي شكلتها في الصينيه وتحطها في الفرن في درجة حرارة بتاعت الكيكه (ايه درجة حرارة الكيكه كام دي ياعم )اسال الحاجه عن درجة حرارة الكيكه هيه هاتقولك ياعم

    وتسيبها في الفرن نص ساعه وتطلعها

    بعد كدا ممكن تحط البسكويت دا كله في كيس بلاستيك وتحطه في الفريزر هايعيش لمدة اسبوع ولما تيجي تاكل الكلب منه تاخد حبه علي قده وتحطهم دقيقة علي النار لحد ماتسخن وتقدمها للكلب
    وبالهنا والشفا

    للكلب طبعا

      الوقت/التاريخ الآن هو الثلاثاء سبتمبر 26, 2017 6:46 am